Kavi ki phir se koshish!!!!!

After Ramu’s James flopped on the box office (he had not expected that) , in state of depression he decided to make something that was liked by all. Mythology was something that caught his interest, so he ventured out to make “Modern Mahabharat (not Mahabharata) “. The problem was he had to find characters, where in people could relate/recognize them i.e known personalities. They should be real life characters. He started with bollywood and due to the dearth of actors he searched for them in the parliament. So, this is how it goes….as usual in HINGLISH ( Hindi written in English)…

James flop hone ke baad Ramu ko vichar aaaya;
Usne modern Mahabharat banane ka beeda uthaya .
Bola character wahi hoga jo original type lagega;
Shuruat ki mithun da se, voh dhritrashtra ke liye jamega.
Use dikhta nahin; ki uski film koi nahin dekhta;
Phir bhi khud banata, kharidta aur bechta hai.
Amitabh ko bhishm pitamah ka role dena padega;
Wahi ek hai jo sattar(70) ki umar main bhi action karega.
Dharam paaji bane bheem aur Sunny ghatotkatch bana;
Panchali ke role ke liye, ready for such roles, mallika ko chuna.
Emran hashmi ko kaamdev ka cameo diya;
Aur uski choice se udita ko as Mainka liya.
Is prakar Jyadatar +ve character bhar gaye;
Sirf –ve role aur “Shikhandi” reh gaye;
Is khoj main sansad ki or kadam badaye;
Darwaaze par hi kai shikhandi nazar aaye.
Frame main left ka neta fit baithta hai;
Kehta hai support hai par har mudde par congress ki laga deta hai.
Achanak sansad main shor machne laga;
Sabko Dushasan ka role hot lagne laga.
Ramu ne Draupadi urf Mallika ki safety ka khayal kiya;
Cheer-haran ka kaam “brahmachari” Vajpayee ji ko diya.
Aur jiski “jangha” chaudi hogi, voh Duryodhan banega;
Phir to Draupadi ko baithane ka subhagya Amar Singh ko milega.
Dayanidhi maran ne INDIA-ONE ka ashvasan diya;
Local call main kaam hoga, isliye use Sanjay bana diya.
Jo din main gayab, raat main dikhe, use Jarasandh banaiye,
Gawli ya Shahbuddin, main se kisi ko pakad laiye.
Jo pet main seekha, ab tak usi ke bal par chal raha tha;
Isliye Abhimanyu ke liye Rahul jam raha tha.
Jin mahapurushon ke dar se opposition ne satta chod di;
Aise, Lalu, Mayawati or Mulayam ko kaurav sena ki bagdoor di.
Mata Sonia ko Kunti aur shriman Manmohan ko Karan banaya;
Ek female aur uske “ehsaan” se daba male,aur joda mil nahin paya.
Sansad bhavan ko Kurushetra banaya;
Aur ek saal philm banane main lagaya.
Kuch dekhne gaye, baakiyon ne film chalane ka paisa diya;
Agle kai saal baad ka ticket advance main liya.
Bole isko superhit banana majboori hai;
Neta ki asliyat saamne lana jaroori hai.
Yadi hum yeh trend ulat kar aisa bana paye;
Jahan neta parde ka abhineta ban jaye.
Toh jald hi sansad inse mukt ho jayega;
Bharat ko phir navoday ka ek mauka mil payega,
phir ek mauka mil payega.

Dhanyavad.

Lekhak
gaurav