Subah
uthna chai banaana , wahi roz marra ka kaam..yeh daalo woh daalo..ubaalo aur gatak lo.
Par
achaanak ek din, chai ki pehle chuski lete hi laga..waah!!! aaj chai achi bani
hai. Shayad...adrak ki wajah se… par thoda sa, kisi kone main se, khayaal
aaya ki bhai apni jeet ko adrak ke naam kyu kare, adrak toh roz hi daalte hain,
kam- zyaada chalta hai. Apni is choti si kamyaabi se badi khushi mili, dil
garden garden ho gaya aur saath hi yaad aaya ki aise chai kisi ko bahut
pasand hai…mere kisi apne ko….bahut pasand hai.
Chai
banane se, chai samagree, tareeka, kya
cheez kitni daalni hai, kitna naap- kitni bhaap, sab jhagde ka sabab rahe hai…Shayad
chai kabhi shaanti se bani hi nahi. Aur agar tapri par chai peene gaye toh
samjho tapree waala ki khair nahin, tippdiyaan diye bina paise dene hi nahin.
Aur agar achi lag gayi, toh aisi haalat ke bhai tapri waale ko ghar le chale ya
duniya ko kheench ke zabardasti la ke tapri par chai pilaani.
Aise
choti naunk jhonk ek-dum se yaad aa gayi bas uthaaya phone aur sms kar daala.. “aaj chai bahut achi bani hai toh kisi ko
bataana zaroori thaa”. Fataak se reply aaya “J
“. Aur jiski umeed thee woh uske peeche
peeche..ji haan ek sawaal “tumne banaayi
hai” Mujhe pata tha ki aisa hi kuch poocha jaayega, but “J” se laga chalo is baar
doubt nahin hai, par meri galatfehemi agle hi second duur ho gayi.
Phir idhar se jawaab udhar se sawaal,
sawaal-jawaab, jawaab-sawaal ka silsilaa chalta raha. Pata hi nahin chala ke is sms ki adlaa
badli main kya kya aur kab tak baat hui. Aur jaane kab naunk-jhonk main badal gayi.....
Chai ab aur bhi achi lagne lagi,
Shayad chai main isi "naunk-jhonk" ki kami reh gayi thi.
